“Йәнтөйәк” бүләк итәм!” акцияһы дауам итә

Хөрмәтле гәзит уҡыусыларыбыҙ! “Йәнтөйәк” бүләк итәм!” хәйриә акцияһы дауам итә. Районыбыҙ эшҡыуарҙарын, үҙ эшен асҡан йүнселдәрҙе, етәкселәрҙе һәм илһөйәр, телһөйәр, үҙ еренең патриоты булған рухлы райондаштарыбыҙҙы ошо хәйриә акцияһында ҡатнашып, атай-әсәйҙәргә, туғандарығыҙға, һуғыш һәм хеҙмәт ветерандарына, күмәк йәки инвалид бала тәрбиәләгән ғаиләләргә “Йәнтөйәк” гәзитен яҙҙырып бүләк итергә саҡырабыҙ! Мохтаждарға ярҙам итеү сауаплы ғәмәл дә, заман талабы ла, күптәр өсөн йөрәк ҡушыуы ла икәнлеген онотмағыҙ! Изгелек бер ҡасан да ерҙә ятып ҡалмай, ҡылғандарығыҙ үҙегеҙгә мең сауап булып әйләнеп ҡайтһын! Мөхәрририәт.