«Йәш ғаилә» республика конкурсы еңеүселәре билдәләнде

Өфөлә «Йәш ғаилә» — 2017 республика конкурсының финалы үтте. Майҙансыҡта республиканың иң яҡшы ғаиләләре йыйылды. Улар «Ҙур уйын» тигән квест форматында төбәктең иң яҡшы йәш ғаиләһе исеменә үҙ хоҡуғын раҫланы.

Ярыш йомғаҡтары буйынса «Йәш ғаилә» — 2017 республика конкурсы Гран-прийына Октябрьский ҡалаһынан Ғилвановтар ғаиләһе лайыҡ булды. Өфө районынан Мәҡсүтовтар ғаиләһе – беренсе, Өфөнән Ғәниевтар һәм Бәләбәй районынан Шәмсетдиновтар икенсе һәм өсөнсө урындар яуланы. Ә уларҙың ярышташтары Минһажетдиновтарға (Асҡын районы) һәм Чулковтарға (Ҡалтасы районы) «Иң ҡыйыу ғаилә» һәм «Иң позитив ғаилә» тигән исемдәр бирелде.