Журналистар Ҡариҙелдә осрашты

Ҡариҙел районында журналистарҙың төньяҡ район-ара ижади берекмәһе кәңәшмәһе үтте. Сара башында район хакимиәте башлығы урынбаҫары Рәмил Вәлинуров Ҡариҙелдең социаль-иҡтисади үҫеше менән таныштырҙы, урындағы редакция коллективы менән яҡшы хеҙмәттәшлек итеүҙәре тураһында һөйләне. Башҡортостан Республикаһы Журналистар союзы рәйесе Артур Дәүләтбәков ойошма эшмәкәрлегенә йомғаҡ яһап, алдағы йылға мәьәләләр билдәләне. Журналистарҙың төньяҡ район-ара ижади берекмәһе рәйесе Ирина Вәлиева ла башҡарылған эштәрҙе барлап, киләсәккә уй-пландары менән бүлеште.