Ҡариҙелдең иҫтәлекле урындары менән дә танышты журналистар

Кәңәшмәнең рәсми өлөшө тамамланғас, сарала ҡатнашыусылар район хакимиәте башлығы урынбаҫары Рәмил Вәлинуров етәкселегендә Ҡариҙелдең иҫтәлекле урындары менән танышты. Ҡунаҡтар тирә-яҡты күҙәтеү майҙансығына менеп, Ҡариҙелдең хозурлығына һоҡланды. Етеҙ темптар менән үҫешкән Йәштәр биҫтәһе урамдарынан да үттеләр, ундағы социаль объекттарҙы ҡаранылар. Артабан журналистар Өфө йылғаһының ике ярын тоташтырған күпер төҙөлөшөндә лә булды.