+30 °С
Болотло
Новости
9 Ноябрь 2017, 05:53
Сибәр һәм һәләтле башҡорт, татар ҡыҙҙарын «Башҡортостан гүзәле-2017» матурлыҡ конкурсында ҡатнашырға саҡыралар
Башҡортостанда «Һомай» мәҙәниәтте һәм ижадты үҫтереү студияһы «Башҡортостан гүзәле-2017» матурлыҡ конкурсын уҙғарыу хаҡында иғлан итте. Бәйге башҡорт һәм татар халыҡтарының ғөрөф-ғәҙәттәрен һәм йолаларын, рухи-әхлаҡи ҡиммәттәрен пропагандалау, йәштәрҙең ижади ҡеүәтен асыу, башҡорт һәм татар йәштәре ойошмалары араһында тыныслыҡты, татыулыҡты, үҙ-ара хеҙмәттәшлекте нығытыу маҡсатында ойошторолған.
Башҡортостанда «Һомай» мәҙәниәтте һәм ижадты үҫтереү студияһы «Башҡортостан гүзәле-2017» матурлыҡ конкурсын уҙғарыу хаҡында иғлан итте. Бәйге башҡорт һәм татар халыҡтарының ғөрөф-ғәҙәттәрен һәм йолаларын, рухи-әхлаҡи ҡиммәттәрен пропагандалау, йәштәрҙең ижади ҡеүәтен асыу, башҡорт һәм татар йәштәре ойошмалары араһында тыныслыҡты, татыулыҡты, үҙ-ара хеҙмәттәшлекте нығытыу маҡсатында ойошторолған.
Конкурста туған телен (башҡорт йәки татар), халҡының йолаларын белгән 16-26 йәшлек ҡыҙҙар ҡатнаша ала. Ғаилә хәле мөһим түгел.
Кастинг 26 ноябрҙә көндөҙгө сәғәт 12-лә «Мегаполис» күңел асыу үҙәгендә уҙа. Адресы: Менделеев урамы, 137. Һайлап алыу турында ҡатнашҡан һәр ҡыҙ туған телендә үҙе хаҡында ҡыҫҡа хикәйә әҙерләргә һәм йыр-бейеүгә маһирлығын йә иһә актерлыҡ һәләтен күрһәтергә тейеш.
Гала-финал 2017 йылдың декабрендә Өфөлә үтә, унда «Башҡортостан гүзәле-2017», 1-се һәм 2-се вице «Башҡортостан гүзәле»н һайлайҙар. Финал барышында башҡорт һәм татар эстрадаһы йондоҙҙары ҡатнашлығында шоу-концерт, сувенир продукцияһы күргәҙмәһен, тамашасылар менән бүләктәр уйнатыу ҡаралған.
