+30 °С
Болотло
Новости
9 Ноябрь 2017, 07:59
Рөстәм Хәмитов XIV Рәсәй һәм Ҡаҙағстан төбәк-ара хеҙмәттәшлек форумында ҡатнаша
Бөгөн Башҡортостан Башлығы Рөстәм Хәмитов эш сәфәре менән Силәбелә. Унда ул XIV Рәсәй һәм Ҡаҙағстан төбәк-ара хеҙмәттәшлек форумында ҡатнаша. Форумдың пленар ултырышын Рәсәй Федерацияһы Президенты Владимир Путин һәм Ҡаҙағстан Республикаһы Президенты Нурсолтан Назарбаев аса.
Бөгөн Башҡортостан Башлығы Рөстәм Хәмитов эш сәфәре менән Силәбелә. Унда ул XIV Рәсәй һәм Ҡаҙағстан төбәк-ара хеҙмәттәшлек форумында ҡатнаша. Форумдың пленар ултырышын Рәсәй Федерацияһы Президенты Владимир Путин һәм Ҡаҙағстан Республикаһы Президенты Нурсолтан Назарбаев аса.
Быйылғы форумдың темаһы кешелек капиталын үҫтереү була. Ҡатнашыусылар араһында – төп министрлыҡтар һәм ведомстволар етәкселәре, бер төркөм Рәсәй Федерацияһы субъекттары һәм Ҡаҙағстан Республикаһы өлкәләре башлыҡтары, ике илдең ҙур бизнес вәкилдәре.
Форум программаһында «Кешелек капиталын үҫтереү» тигән күргәҙмә, Рәсәй-Ҡаҙағстан Эшлекле советы ултырышы, Рәсәй һәм Ҡаҙағстан юғары уҡыу йорттары ректорҙары форумы, башҡа саралар ҡаралған.
Бер нисә дәүләт-ара, хөкүмәт-ара, төбәк һәм коммерция документтарына ҡул ҡуйыу күҙаллана.
Хәтерегеҙгә төшөрәбеҙ, Рәсәй һәм Ҡаҙағстан төбәк-ара форумдар 2003 йылдан алып ике дәүләт төбәктәрендә йыл һайын сиратлап уҙғарыла. Алдағы форум 2016 йылдың октябрендә Астанала үтте.
