Берҙәмлектә беҙҙең көсөбөҙ

Халыҡтар берҙәмлеге көнө районыбыҙҙа киң билдәләнелде. Ҡашҡа ауыл мәҙәниәт йортонда ла байрам уңайынан матур сара үтте.

Тантанаға йыйылыусыларҙы Ҡашҡа ауыл биләмәһе башлығы Ҡәнәфи Шакируллин йылы тәбрикләп, изге теләктәрен еткерҙе. Байрамдың әһәмиәте, тарихы хаҡында бай йөкмәткеле доклад менән ауыл китапханасыһы Гөлфиә Сабирова сығыш яһаны. Урындағы мәктәптең IV класс ҡыҙҙарының бейеүе Ватаныбыҙҙың сәскә атыуын, дәүләтебеҙҙең нығыныуын сағылдырғандай булды.