Ҡорбан ашы ойошторолдо

“Танып” шифаханаһында үткән сараның тантаналы өлөшөнән һуң барыһы ла шифахана ашханаһында ҡорбан ашынан ауыҙ итте. Махсус ошо сара өсөн шифахана коллективы ла, Асҡын үҙәк мәсете лә дүртәр ҡорбанлыҡ салдыра. Хәләл ризыҡ менән туҡланып, үҙ-ара аралашҡандан һуң, бергәләп өйлә намаҙын уҡып, халҡыбыҙға хәйерле ғүмер, илебеҙгә тыныслыҡ теләп, доға ҡылдылар. Рухиәтебеҙҙе байытҡан, күңелдәрҙе нурлаған сауаплы саранан барыһы ла ойоштороусыларға рәхмәт әйтеп, “Танып” шифаханаһының артабан да үҙен данлы эштәре менән танытыуын теләп таралышты.