Дуҫлыҡ фестивале

Асҡын 2-се балалар баҡсаһының саралар үткәреү өсөн тәғәйенләнгән ҙур иркен залы милли кейемдәр кейгән балаларҙың шат тауыштарынан яңғырап торҙо. Бында тәрбиәсе Глүсә Исламова урта һәм өлкәндәр төкөмөн берләштереп, Дуҫлыҡ фестивале үткәрҙе. Балалар башҡорт, рус, татар, украин һәм башҡа телдәрҙә шиғырҙар һөйләне, бейеүҙәр бейене, йомаҡтар ҡойҙо, милли уйындар уйнаны. Матур сара тәрбиәсенең йомғаҡлау һүҙенән һуң, «Земля наш общий дом» йырын башҡарыу менән тамамланды.