Төбәк синоптиктары ҡояшлы, әммә ямғырлы һауа торошон фаразлай

Башҡортостанда яңы эш аҙнаһының башы ҡояшлы, әммә ямғырлы буласаҡ, тип фаразлай синоптиктар. Республиканың гидрометеорология һәм тирә-яҡ мөхит мониторингы идаралығы мәғлүмәттәре буйынса, дүшәмбе, 14 августа, яуым-төшөм булмай. Ел бөгөн төньяҡтан, төньяҡ-көнсығыштан талғын. Һауа температураһы көндөҙ +17,+22. Алдағы ике көндә урыны менән бер аҙ ҡыҫҡа ваҡытлы ямғыр яуыуы көтөлә. Ел тотороҡһоҙ, талғын. Көндөҙгө температура бер аҙға күтәреләсәк һәм 22-27 градус тәшкил итәсәк. Төндә термометр бағанаһы +8,+13 күрһәтәсәк.