Батыр йөрәкле “Йондоҙ”

“Йондоҙ” ҡушаматлы күк бейәнең батырлығы һоҡланыу хистәре уята. Йылайыр районы Һабыр ауылының йылҡы өйөрөнә айыу ташлана һәм күк бейәгә ҡолонон яҡлап, йыртҡыс менән алыша. Айыу йылҡы малын ҡаты ғына йәрәхәтләгән, әммә ҡолонға зыян килтерә алмаған. Бынан 7 йыл элек тә, күк бейәнең бер ҡолонон айыу һуҡҡан була. Әле "Йондоҙ" ветеринар ҡарамағында. Хужалары батыр йылҡы малын аяҡҡа баҫтырырға тырыша.