Премьер-министр килде

Ҡариҙел районында эш сәфәре менән Башҡортостан Республикаһы Хөкүмәте Премьер-министры Рөстәм Мәрҙәнов булып китте. Район хакимиәте башлығы Илдар Ғарифуллин етәкселегендә ул "Уфалеспром", "ТК Башагропром", "Артакульское" яуаплылығы сикләнгән йәмғиәттәренең етештереү майҙансыҡтарында булды, Ҡариҙел ауылын урап Өфө йылғаһы аша төҙөлгән күпер, Абыҙ ауылында мәктәп төҙөлөштәре менән танышты. Бынан тыш Рөстәм Хәбиб улы шәхси һорауҙары буйынса граждандарҙы ҡабул итте һәм кризисҡа ҡаршы штаб ултырышын үткәрҙе.