Һыу үткәргес ремонтлана

Бөрө районы Яңы Ҡолсобай ауылы халҡы “Берҙәм Рәсәй” партияһының “Аныҡ эштәр” проектында ҡатнашыу мөмкинлегенән файҙаланды һәм иҫкергән һыу үткәргесте ремонтлауға республика бюджетынан 250 мең һум күләмендә финанс ярҙам алды. Ауыл бюджетынан быға 45 мең һум аҡса бүленгән. Әлеге көндәрҙә эш ырамлы бара, ауыл халҡы ла әүҙемлек күрһәтә.

Быйыл ошо проект сиктәрендә Калинники балалар баҡсаһы, Шишмә мәктәбе кәртәләре, Иҫке Баҙан мәктәбе иҙәне, Кандаковка, Осиновка, Костарев, Үгеҙ ауылдары һыу үткәргесе, Сусловта урамды яҡтыртыу селтәре ремонтланасаҡ. Тағы ла Печенкин һәм Николаевка мәктәптәрендә тәҙрә яңаҡтарын алмаштырасаҡтар, Иҫке Петровта яугирҙар иҫтәлегенә стела асыласаҡ, Үрге Ласынтауҙа балалар майҙансығы төҙөләсәк.