+30 °С
Болотло
Новости
20 Июль 2017, 13:33
Эҫе көндәрҙең һәр минуты ҡәҙерле
Ниһайәт, йәй ҡояшлы эҫе көндәре менән ҡыуандыра. Был ҡышҡылыҡҡа мал аҙығы әҙерләү өсөн дә иң ҡулай ваҡыт. Шуға ла ауыл хужалығы эшсәндәре, халыҡ өсөн ҡыҙыу осор башланды. Көн йылды туйҙыра, тиҙәр бындай саҡта.
Район баҫыуҙарында, бесәнлектәрҙә эш тулы ҡеүәтенә бара. Иҫке Мутабаш ауылынан Ғәндәлиф Сәлимгәрәев, Әлфрис Заһиҙуллин — ЮМЗ-6 һәм Мутайылғанан Ансаф Әхмәҙуллин Т-25 тракторҙарында үлән сабыуға төштө.
— Минең дә, Әлфристең дә хужалығы ҙур. Ауыл кешеһенең йәй көнө төп мәшәҡәте — ҡышҡылыҡҡа бесән әҙерләү. Аллаға шөкөр, бесән быйыл күп, ҡуйы. Беҙ үҙебеҙ ауылда үҫтек, һәр ваҡыт атай-әсәйгә ярҙамлаштыҡ. Бына Ансаф та үҙенекеләргә ярҙам итергә ҡайтты. Ул Төньяҡ флотта “Юрий Долгорукий” атом һыу аҫты кәмәһендә 11 йыл хеҙмәт итә, — тип һөйләй Ғәндәлиф Имаммөхәмәт улы.
Нина Николаева.
Сулпан Ғилметдинова фотоһы
