Боҙ-борсаҡ бер нәмәне лә аямай

Нуриман районында боҙ яуыу арҡаһында ике гектар ерҙә баҡса еләге юҡҡа сыҡҡан. Был турала урындағы халыҡ хәбәр итә. Йәкшәмбелә, 16 июлдә, Нимесләр ауылында көслө боҙ яуыуы күҙәтелә. Күҙ асып йомғансы ер ваҡ боҙ менән ҡаплана. Һөҙөмтәлә баҡса еләге түтәлдәрендә ҙур-ҙур күләүектәр барлыҡҡа килә. Уртаса 2 гектар тирәһе ерҙә уңыш юҡҡа сыға.