Юғары дәүләт наградалары тапшырылды

Кисә Башҡортостан Башлығы Рөстәм Хәмитов Рәсәй Федерацияһының һәм Башҡортостан Республикаһының дәүләт наградаларын тапшырҙы.

Ордендар, айырмалыҡ билдәләре, Почет грамоталары һәм исемдәр менән барлығы 54 сәнәғәт, транспорт һәм элемтә, торлаҡ-коммуналь хужалыҡ, банк өлкәһе, дәүләт хеҙмәте, муниципаль идара итеү, һайлау системаһы, хәүефһеҙлек, социаль хеҙмәттәр, ҡунаҡхана комплексы, сервис, һаулыҡ һаҡлау, мәғариф һәм фән, мәҙәниәт, китапхана эше, физкультура һәм спорт, матбуғат һәм киң мәғлүмәт саралары хеҙмәткәренең һөнәри ҡаҙаныштары баһаланды.

Бүләкләнеүселәр араһында Асҡын районы хакимиәте башлығы Фларит Усманов та бар. Фларит Фоат улы Салауат Юлаев ордены менән бүләкләнде. Уны юғары дәүләт наградаһына лайыҡ булыуы менән ҡотлайбыҙ һәм артабан да уңыштар теләйбеҙ.