Өфөнән Төркиәгә өҫтәмә авиарейстар асыла

3 августан авиакомпанияларҙың береһе «Өфө» халыҡ-ара аэропортынан Антальяға башҡарылған рейстарҙың йышлығын арттыра. Boeing 737-800 һәм Airbus 321 самолеттарында чартер осоштары һәр 9-11 көн һайын планлаштырыла.

Баш ҡала аэропортының матбуғат хеҙмәте мәғлүмәте буйынса, быйыл йәй самолеттар Өфөнән Төркиә курортына көн һайын оса. Даими теҙмә сиктәрендә «Төркиә һауа юлдары» самолеттары һәр көн урындағы ваҡыт буйынса таңғы 5-се 10 минутта юлға сыға. Антальяға чартер рейстарын «Ред Вингс», «Азур Эйр», «Икар», «Ямал», «Северный ветер», «Россия», «Норд Стар» һәм «АйФлай» авиакомпаниялары хеҙмәтләндерә.