Мәғариф хеҙмәткәрҙәре — иң беренселәр

Борай районында мал аҙығы әҙерләү кампанияһы бара. Һәр йылдағыса, райондың ойошма, предприятие хеҙмәткәрҙәре был эштә әүҙем ҡатнаша. Япраҡ аҙыҡ әҙерләү буйынса өмәләрҙе мәғариф хеҙмәткәрҙәре башлап ебәрҙе. Мәғариф бүлеге коллективы “Колос” хужалығына биш тонна япраҡ аҙыҡ әҙерләгән дә инде. Борай 3-сө мәктәбе хеҙмәткәрҙәре (һүрәттә) беренселәрҙән булып был эшкә ҡушылды. Улар Әхләф Зариповтың фермер хужалығына йәш малдар өсөн байтаҡ ваҡытҡа етерлек витаминға бай мал аҙығы әҙерләп ҡайтарҙы.А.Фазлетдинова.