Бөтә яңылыҡтар
Милли проекттар
28 Сентябрь 2023, 14:15

Автомобилдәргә лә ял юҡ

Машиналар аҙ хәрәкәтләнеүсән пациенттарҙы медицина учреждениеһына илтеү өсөн кәрәкле бөтә ҡорамалдар менән йыһазландырылған.    

Автомобилдәргә лә ял юҡ
Автомобилдәргә лә ял юҡ

Нуриман районы дауаханаһының автогаражы, “Һаулыҡ һаҡлау” милли проектына ярашлы,  ике  “LADA”  машинаһы менән тулыланды.

Яңы автомобилдәр туҡтауһыҙ эш өҫтөндә. Әлеге ваҡытта улар пациенттарҙы медицина учреждениеларына илтеү, табиптарҙы ауылдарға алып барыу өсөн файҙаланыла. Ауыл халҡының хәҙер дарыу препараттарын ваҡытында  алыу һәм биологик материалдарҙы дауаханаға артабан тикшереү өсөн ебәреү мөмкинлеге артты.

–Бөгөнгә автомобилдәр 1095 саҡырыу буйынса юлға сыҡҡан, тәүге медицина-санитар ярҙам күрһәткән. Яңы транспорт саралары медицина хеҙмәткәрҙәренә тейешле урынға тиҙ барып етергә мөмкинлек бирә. Машиналар аҙ хәрәкәтләнеүсән пациенттарҙы медицина учреждениеһына илтеү өсөн кәрәкле бөтә ҡорамалдар менән йыһазландырылған, – тине дауахананың баш табибы Салауат Ғайсин.

Рәсәй Президенты Владимир Путиндың “май“ указдарына ярашлы, 2024 йылға ил үҫешенең төп маҡсаттарына өлгәшергә кәрәк. Шуларҙың араһында халыҡ һанын арттырыу, граждандарҙың тормош сифатын яҡшыртыу, иҡтисадҡа һәм социаль өлкәгә  һанлы технологияларҙы индереү мөһим бурыстарҙың береһе булып тора.

”Һаулыҡ һаҡлау” милли проектының (национальный проект “Здравоохранение) төп маҡсаты – хеҙмәткә һәләтле йәштәге халыҡтың үлем күрһәткестәрен,  ҡан әйләнеше сирҙәренән, ямаш шештәрҙән үлем осраҡтарын  кәметеү, инновацион медицина технологияларын индереү, шул иҫәптән пациенттар сәләмәтлеген  иртә диагностикалау һәм дистанциянан тороп мониторинг үткәреү алымдарын ҡулланыу.

Һаулыҡ һаҡлауҙың тәүге звеноһын яңыртыу программаһы маҡсаты – сифатлы һәм һәр кем файҙаланырлыҡ медицина ярҙамы күрһәтеү, шул иҫәптән төпкөлдә, бәләкәй тораҡтарҙа йәшәгән  халыҡ өсөн.

Фото: Һаулыҡ һаҡлау министрлығы.

Автор:Дина Арсланова
https://bashgazet.ru/articles/milli-proekttar/2023-09-28/avtomobild-rg-l-yal-yu-3456658
Автомобилдәргә лә ял юҡ
Автомобилдәргә лә ял юҡ
Автор:
Читайте нас в