Төҙөлөш тамамланып килә

Бында төҙөлөш эштәре күптән тамам, ә бына бинаны матурлау, йыһазлау, йыйыштырыу, эш ваҡытында барлыҡҡа килгән сүп-сарҙан таҙартыу эштәре байтаҡ әле.

Клубтың тирә-яғын сүп-сарҙан таҙартыу буйынса бөгөн өмә ойошторолдо. Район хакимиәте башлығының төҙөлөш буйынса урынбаҫары Рәфис Дәүлиев үҙе лә ошо ауылдан. Ул район Мәҙәниәт һарайы директоры Мирза Хөсәйенов менән был сараны ойоштороп ебәрҙе. “Күмәкләгән – яу ҡайтарған”, тигәндәй, өмәгә Яугилдегә яҡын урынлашҡан  Абуталип, Иҫке Итҡусты, Мерәсем, Ҡортлокүл ауыл клубтары методистары ла килеп етте. Урындағы мәктәп уҡыусылары ла ярҙамға ашыҡты.

Гөлнара Солтанова.