Өлкәндәр өсөн - мауыҡтырғыс сәйәхәттәр

2020 йылдан республикала оло быуын өсөн “Оҙайлы ғүмер. Туризм” (“Башкирское долголетие.Туризм”) проекты тормошҡа ашырыла. Программаға ярашлы, республика биләмәһендә урынлашҡан туризм маршруттары, тәбиғәт ҡомартҡылары, музейҙар, дини объекттар, тарихи урындар буйлап бер-ике көнлөк сәйәхәттәр ойошторола.

Социаль турҙарҙы Туризм буйынса дәүләт комитеты Ғаилә, хеҙмәт һәм халыҡты социаль яҡлау министрлығы, муниципаль район-ҡала округтары менән берлектә ойоштора. Ололарҙы сәйәхәт тамамланғансы гид-экскурсовод оҙатып йөрөйәсәк. Проектта ҡатнашыу бушлай, бары туҡланыу өсөн 200-300 һум түләргә тура киләсәк. Сәйәхәттә йылына бер тапҡыр ҡатнашырға мөмкин. Бының өсөн долголетие.соцтуризмрб.рф сайтында үҙаллы теркәлергә һәм теләгән турға яҙылырға була. Шулай уҡ үҙегеҙ йәшәгән муниципаль район-ҡала округы хакимиәтенә мөрәжәғәт итә алаһығыҙ.

“Демография” милли проектының “Өлкән быуын” федераль проектына ярашлы, ололарҙың тормош сифатын яҡшыртыу, социаль яҡлау буйынса ҙур бурыстар тора. Рәсәй Президенты Владимир Путиндың май указына ярашлы, милли проектты тормошҡа ашырыу барышында өлкәндәрҙең медицина хеҙмәтләндереүенән файҙаланыу мөмкинлеген һәм сифатын арттырыу ҡаралған.

ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан

Фото: Ғаилә, хеҙмәт һәм халыҡты социаль яҡлау министрлығы.