Бөтә яңылыҡтар
Матбуғат-2022
14 Октябрь , 14:45

“Йәнтөйәк”тең тоғро дуҫы

 Иҫке Ҡаҙансы урта мәктәбенең башҡорт теле һәм әҙәбиәте уҡытыусыһы Альмира Таһирйән ҡыҙы Әхмәтова   туған телдә  донъя күргән гәзит-журналдарҙы   йыл да  яҙҙырып, уҡып бара.  

“Йәнтөйәк”тең тоғро дуҫы

Уҡыусыларҙа туған телгә һөйөү тәрбиәләүсе, уларҙы яңынан-яңы үрҙәргә әйҙәүсе Альмира Таһирйән ҡыҙы “Йәнтөйәк” гәзитенең тоғро дуҫы һәм әүҙем хәбәрсеһе лә.    Баҫмабыҙға йыл да яҙылып, уны таратыуҙа һәм пропагандалауҙа ла үҙ өлөшөн индерә ул. Мәктәптә үткән саралар тураһында ла яҙып, хәбәр итеп тора.

Ижади эшләүсе уҡытыусы балалар өсөн сыҡҡан журналдарҙы ла алдырып, дәрестә ҡуллана, уҡыусыларҙы  шулай үҙ өлгөһөндә гәзит-журналдар, китаптар уҡырға йәлеп итергә тырыша. “Үҙ-үҙеңде үҫтереү, күңелеңде байытыу өсөн рухи аҙыҡ кәрәк.  Гәзит-журналдар уҡыу  рухландыра, уйландыра, илһамландыра”, — ти Альмира Таһирйән ҡыҙы.

 

Наилә Имаева.

Автор:Nailya.I@rbsmi.ru