Рәсәй Президенты Владимир Путин Башҡортостандың мәҙәниәт министры Әминә Шафиҡованы “Мәҙәниәттәге һәм сәнғәттәге хеҙмәттәре өсөн" миҙалы менән наградланы. Дәүләт башлығы Указы тексы хоҡуҡи мәғлүмәттең интернет-порталына урынлаштырылған.
5 октябрҙә Башҡортостандың атҡаҙанған артисы, халыҡ-ара конкурстар һәм Шәйехзада Бабич исемендәге республика дәүләт йәштәр премияһы лауреаты Әминә Шафиҡованың Башҡортостандың мәҙәниәт министры вазифаһында эшләүенә ун йыл булды. Беҙ ҙә ҡотлауҙарға ихлас ҡушылабыҙ һәм Әминә Ивний ҡыҙына яңы уңыштар, артылыштар теләйбеҙ!
Фото: республика Мәҙәниәт министрлығының социаль селтәрҙәге төркөмө.