Бөгөн, 9 сентябрҙә, Өфлә «Йәшел сауҡалыҡ» шифаханаһында туған тел һәм әҙәбиәт уҡытыусыларының төбәк-ара форумы башланды. Сарала Башҡортостан, Татарстан республикаларынан, Пермь крайы, Силәбе һәм Ырымбур өлкәләренән туған тел һағында тороусылар йыйылды.
Бөгөн ҡатнашыусылар өсөн тематик мәғариф кластерҙары һәм дискуссиялар, шулай бүләкләү тантанаһы ҡаралған. Ә 10 сентябрҙә туған телдәрҙе уҡытыуға арналған күргәҙмә үтәсәк.
Төбәк-ара форум Башҡортостан Башлығы Радий Хәбиров менән осрашыу менән тамамланасаҡ. Унда уҡытыусылар, тәрбиәселәр һәм уҡытыусылар туған телдәрҙе популярлаштырыу һәм мәктәпкәсә учреждениеларҙа уларҙы өйрәнеү өсөн шарттар булдырыу буйынса теләк-тәҡдимдәрен уҡып ишеттерә ала. Республика етәксеһе туған тел һәм әҙәбиәт уҡытыусыларын Башҡортостандың дәүләт наградалары менән дә бүләкләйәсәк.
Асҡын районынан вәкил булараҡ ҡатнашыусы Розалия Марат ҡыҙына уңышлы эш теләп, яңынан-яңы идеялар алып, тәжрибә туплап ҡайтыуын теләйбеҙ.
Наилә Имаева.