"Сәхнәлә беҙ ҡоштар кеуек”

 Туған тупрағының йылыһын тойоп. ныҡ баҫып, сылтырап аҡҡан саф шишмәләренең һыуын эсеп үҫеүе йырсы кешеләр өсөн ниндәйҙер бер көс биргән кеуек. Шуға күрә лә "Сәхнәлә беҙ ҡоштар кеуек”, - тине Урмияҙ һәм Ключи ауылынан килгән балалар баҡсаһы тәрбиәселәре районыбыҙҙа уҙған “Йыр-моң беҙҙе берләштерә” исемле конкурс-фестивалендә.
"Иҙел буйы" йыры менән “Йәйғор” балалар баҡсаһы тәрбиәселәре беҙҙе матур, тәрән Иҙел буйҙарына алып барһа, Ключи ауылы “Чебурашка” балалар баҡсаһының “Талкай” вокаль ансамбле хуш еҫле муйыл сәскәләрен иҫкә төшөрҙө. Башҡорт һәм рус милли кейемдәре лә йырға тап килерлек итеп һайланғайны.

Гөлүсә Ғәлиева.