Зилиә Туҡтағол ҡыҙы Ғиндуллина

Рәсәйҙең маҡтаулы мәғариф хеҙмәткәре Зилиә Туҡтағол ҡыҙы Ғиндуллина  Ҡариҙел районы  Яңы Бәрҙәш урта мәктәбендә 34 йыл әсә теленән балаларға белем бирә,  туған телгә, Тыуған илгә һөйөү тәрбиәләй.

Уҡыусылары менән төрлө  конкурс, олимпиадаларҙа ҡатнашып, һәр саҡ еңеү яулайҙар.

Шундай баҫалҡы ла, талапсан да, тырыш та уҡытыусының фәнен сығарылыш уҡыусылары Берҙәм дәүләт имтиханын тапшырғанда һис икеләнеүһеҙ һайлай  һәм уңышлы тапшыра.

Зилиә  Ғиндуллина юғары ҡаҙаныштары өсөн БР Мәғариф министрлығының Маҡтау ҡағыҙы менән бүләкләнә. 2012 йылда “Рәсәйҙең маҡтаулы мәғариф хеҙмәткәре” исеменә лайыҡ була. Шулай уҡ өҫтөнлөклө милли проект сиктәрендә “Рәсәйҙең иң яҡшы уҡытыусылары” конкурсында еңеп сыға.

Гөлнара Солтанова.