Ирина Шакир ҡыҙы Ҡәнзәфәрова

Ирина Шакир ҡыҙы креатив, пунктуаль, ярҙамсыл уҡытыусы булараҡ танылыу алған. Ата-әсәләр уны талапсан, шул уҡ ваҡытта изге күңелле класс етәксеһе булараҡ  та ихтирам итә. Үҙе етәкләгән 9-сы класс уҡыусылары менән ижади конкурстарҙа, фәнни конференцияларҙа әүҙем  ҡатнашалар, олимпиадаларҙа призлы урындар яулайҙар.

 Тәжрибәле уҡытыусы 2020 йылда Бөрө районы һәм ҡалаһы буйынса үткән “Йыл уҡытыусыһы” конкурсында икенсе урын яуланы. 2022 йылдан ул мәктәп директорының  тәрбиә эштәре буйынса кәңәшсеһе булып тора. Юғары уҡыу йортоноң дәүләт имтиханы комиссияһы ағзаһы ла.

Тормош иптәше менән Диана һәм Алһыу исемле ҡыҙҙар үҫтерәләр.