Был стипендия кемдәргә түләнә?

Республикалағы спорт йыйылма командалары ағзаларына – спортсыларға стипендиялар түләү тәртибе раҫланды. Был хаҡтағы мәғлүмәттәр хоҡуҡи мәғлүмәттәр интернет-порталында баҫылған.

Был стипендиялар Олимпия, Паралимпия һәм Сурдлимпия уйындарының спорт төрҙәре буйынса йыйылма командаларға ҡараған, шәхси иҫәп буйынса йәки эстафетала, команда менән бергә һөҙөмтәләргә өлгәшкән  спортсыларға түләнәсәк. Түләүҙәр Башҡортостандың Спорт министрлығы тарафынан раҫланасаҡ. Мәҫәлән, Олимпия, Паралимпия һәм Сурдлимпия уйындарында беренсе урын яулаған өсөн – 38, икенсе урын өсөн – 36, өсөнсө урын өсөн 34 мең һум түләнәсәк. Дүртенсенән һигеҙенсе урынға тиклем – 28, туғыҙынсынан 16-сы урынға тиклем 22 мең һум түләү ҡаралған.

Фото: "Башинформ".