Йәйҙең һуңғы көндәре ниндәй буласаҡ?

Синоптиктар күҙаллауынса, эҫе көндәр дауам итәсәк әле.

Мәҫәлән, Гисметео белгестәре фараздарына ярашлы, август аҙағына тиклем эҫе торасаҡ. Теүәлерәк әйткәндә, был аҙнала уртаса температура +28, + 30 градус.

Ялдарҙа +25 градусҡаса төшә лә, 21 – 25 август бик уңайлы йылы һауа торошо күҙаллана. Улай уҡ ҡыҙҙырмаясаҡ. Төндә уртаса +10 градус һәм унан да йылыраҡ.

Әйткәндәй, шул йылы көндәрҙе арыу ғына ямғырҙар ҙа “матурлаясаҡ”. Тик аныҡ ҡасан яуыры фаразланмай.

30 һәм 31 августа көндөҙ +18 тирәһе, төндә +7 градус ҡына буласаҡ. Әлбиттә, алдан фаразлауҙар бигүк дөрөҫкә лә сыҡмай торған...

Көҙ алтын булып килерме, һалҡынмы – күрербеҙ, Алла бирһә.

Автор:Алһыу Ишемғолова

Сығанаҡ: Йәшлек