Ҡашҡа ауылы мөслимәләре Мәүлид үткәрҙе

Сараға район мөслимәләре ойошмаһының ауыл филиалы етәкселәре саҡырылды. Бик матур осрашыу, танышыу, фекер алышыуҙар булды. Мөнәжәт, мәүлид, салауаттар әйтелде. Йәмәғәт менән ил - көндәребеҙгә тыныслыҡ - именлек теләп, илебеҙ бөтөнлөгө өсөн мобиоизацияланған һалдаттарҙың иҫән - имен өйҙәренә, ғаиләләренә ҡайтыуҙарын һорап, һуғыштың илебеҙ өсөн хәйерле еңеү менән тамамланыуын һорап, доғалар ҡылынды.
Ҡашҡа мөслимәләренә, филиал етәксеһе Резеда Мәжит ҡыҙына ҙур рәхмәт! Изге эштәрегеҙ дауамлы булһын.