Радий Хәбиров "Толпар" тураһында һөйләне

Һүҙ күсмә стоматологик комплекс тураһында.

БР Башлығы Радий Хәбиров социаль селтәрҙә былай тип яҙған:

"2020 йылда балалар стоматологик комплексын һатып алдыҡ та, уға "Толпар" тип исем бирҙек һәм балаларға ярҙамға республикабыҙҙың район, ҡалаларына ебәрҙек. Биш йылда Өфөнөң 3-сө стоматология поликлиникаһы табиптары бөтә республиканы урап сыҡты, иң төпкөлдә лә булды. Улар 13 меңдән ашыу баланың, шул иҫәптән өс меңдән ашыу МХО-ла ҡатнашыусының балаһының һәм сирле балаларҙың, тешен дауаланы. Донбасстағы ҡәрҙәштәргә кәрәкккәс, "Толпар"ҙы унда ла ебәрҙек. Табиптарыбыҙ беҙ шефлыҡ ярҙамы күрһәткән Красный Луч ҡалаһында 1,8 меңгә яҡын баланы ҡабул итте", - тип яҙған "Бәйләнештә"ге сәхифәһендә республика Башлығы.

Белеүегеҙсә, Башҡортостан мәктәптәрендә стоматологик кабинеттар ҙа асыла.

Барыһына ла һаулыҡ теләй Радий Фәрит улы.

Фото: Радий Хабиров

Автор:Алһыу Ишемғолова

Йәшлек