Балтаста туризм үҫешә

"Туризм һәм ҡунаҡсыллыҡ индустрияһы" милли проектын тормошҡа ашырыу Башҡортостан Республикаһында туризм инфраструктураһының әүҙем үҫешенә булышлыҡ итә һәм эшҡыуарҙарыбыҙҙы үҙ идеяларын тормошҡа ашырыуға дәртләндерә. 2023-2024 йылдарҙа модулле капиталь булмаған саралар булдырыу буйынса инвестиция проекттарына дәүләт ярҙамы сиктәрендә 52 эшҡыуарға 738,3 миллион һумлыҡ субсидия бирелде, — тине Башҡортостандың эшҡыуарлыҡ һәм туризм министры Зөһрә Гордиенко.

Модулле капиталь булмаған торлаҡ объекттарын булдырыу буйынса һайлап алыу конкурсы һөҙөмтәләре буйынса шәхси эшҡыуарҙар Сәхипова Л.В. һәм Хәйруллина Л.М. 2023—2024 йылдарҙа 16,8 миллион һумлыҡ субсидия алған. «Түбетей» һәм «Ямурзин ихатаһы» глемпинг проекттарын тормошҡа ашырыу өсөн инвесторҙар 36,6 миллион һум күләмендә үҙ аҡсаһын һалған.

Заманса модулле йорттар туристарға үҙенсәлекле уңайлыҡтар һәм функциональ комбинация тәҡдим итә, шул иҫәптән төрлө махсус майҙансыҡтар: санитар блок, сауна, мангал һәм аш-һыу зонаһы. Мәҫәлән, кухня биләмәһе бөтә заман талаптарын иҫәпкә алып ойошторолған, санитар блокта уңайлыҡтар бар, ә мангал зонаһы саф һауала рәхәтләнеп ял итеү мөхите булдыра.