Владимир Путин Радий Хәбировты тағы бер вазифаға тәғәйенләне

Владимир Путин Радий Хәбировты Спортты үҫтереү буйынса Президент советына индерҙе.

Ил башлығы тейешле указға 12 октябрҙә үҙгәрештәр индерҙе. Шулай уҡ советҡа бер нисә төбәк етәксеһе инде — Мәскәү өлкәһе губернаторы Андрей Воробьев, Силәбе өлкәһе башлығы Алексей Текслер һәм башҡалар. Бөтәһе 11 яңы ағза.

Башҡортостанда йыл һайын Бөтә Рәсәй һәм халыҡ-ара кимәлдәге спорт ярыштары үтеп тора. Һуңғы биш йылда ғына биш ҙур спорт сараһы үткәрелгән, ә киләһе аҙнала «Рәсәй - спорт державаһы» халыҡ-ара форумы башлана.