Көҙҙөң тәүге көндәрендә ҡырау төшә

Ниндәй генә булһа ла йәй үтеп тә китте. Бығаса булмағанса ямғырҙары менән ялҡытты ул быйыл. Тышта көҙ... Сентябрҙең тәүге көндәрендә ниндәй һауа торошо булыр?

Башгидрометүҙәк синоптиктары әйтеүенсә, Башҡортостанда көҙҙөң тәүге көндәрендә ҡырау төшөүе көтөлә.

Бөгөн, 1 сентябрҙә, яуым-төшөм көтөлмәй. Төньяҡ, төньяҡ-көнсығыштан талғын ел иҫәсәк. Һауа температураһы был төндә 3, 8 градус тәшкил итәсәк, ҡайһы бер төньяҡ һәм таулы райондарҙа һауала һәм тупраҡ өҫтөндә 0,-2 градусҡа тиклем ҡырау төшөүе фаразлана. Көндөҙ 17, 22 градусҡаса йылыта.

Дүшәмбе, 2 сентябрҙә, йәнә яуым-төшөм көтөлмәй. Төньяҡтан талғын ел иҫә. Термометр бағанаһы төндә 3, 8 градусҡаса түбәнәйә, Башҡортостандың төньяғында һәм тауҙарында йәнә һауала һәм тупраҡ өҫтөндә -2 градусҡаса һалҡынайтып ҡырау төшә. Ә көндөҙ һауа 17, 22 градусҡа тиклем йылына.

Шишәмбе, 3 сентябрҙә, төндә яуым-төшөм көтөлмәй, ә бына көндөҙ урыны менән бер аҙ ямғыр яуа. Төньяҡтан талғын ел иҫеүе фаразлана. Төндә 7, 12 градус, төньяҡ һәм таулы райондарҙа тағы ла һалҡыныраҡ - 2 градусҡа тиклем. Көндөҙ тағы ла йылы һауа торошо көтөлә – 18, 23 градус.

Фото: "Бәйләнештә".