Ямғырлы йылда картуфты ҡасан ҡаҙырға?

Ауыл кешеләре өсөн быйылғы ямғырлы йыл ҙур һанау булды, әлбиттә. Ғәҙәттә, әрһеҙ генә булып үҫкән картуф баҡсалары ла һыу аҫтында ҡала башлағас кешеләр бөтөнләй борсоуға төштө. Нисек, ҡасан ҡаҙып алырға, ҡайҙа һәм нисек һаҡларға? Алдағы көндәрҙә һаҡлау буйынса кәңәштәр яҙғайныҡ, был юлы белгестең ҡасан ҡаҙып алыу уңышлы булыуы тураһында тәҡдимен баҫтырмаҡсыбыҙ.

Көньяҡ Урал баҡсасылыҡ һәм картуфсылыҡ институты етәксеһе Ҡайрат Һатбаев әйтеүенсә, ямғырлы осорҙа уңышты беренсе мөмкинлек булыу менән, тимәк һауа торошо яйланыу менән ҡаҙып алырға кәрәк. Йәғни йылы һәм ҡоро көндө көтөп алырға кәрәк. Бәрәңгенең иртә өлгөрә торған сорттарын әленән ҡаҙып алырға була, ә һуң өлгөрә торғандары түҙемлек талап итә. Иң яҡшыһы – сентябрҙең йылы көндәре.

Профессионалдар фекеренсә, картуф ҡаҙыу өсөн иң уңайлы ваҡыт 25 августан һуң башлана. Был мәлгә бүлбе тиреһе оҙайлы һаҡлау өсөн ярайһы уҡ тупаҫлана. Ләкин яңы эш башлаған баҡсасылар ямғыр яуыуы һәм уңыштың сереүе ихтималлығы арҡаһында йыш ҡына паникаға бирелә.

– Ямғырҙар туҡтамай икән, картуфты иртәрәк ҡаҙып алыу яҡшыраҡ. Юғиһә уңышығыҙҙы юғалтыу хәүефе янай, - тип һыҙыҡ өҫтөнә ала агроном Алексей Володихин.