«Старт»ҡа — 50 йыл

«Старт» лагеры гүзәл тәбиғәт ҡосағында урынлашҡан. Әйләнә-тирәләге нарат урманының саф һауаһы һәр кемгә бик оҡшай. Өҫтәүенә бында бик яҡшы коллектив эшләй. Был юлы өлкән вожатый вазифаһын Яңауыл районынан Жанна Тимербаева үтәй. Уның командаһында яңы тәрбиәселәр ҙә, тәжрибәлеләре лә бар. Һәр көндө улар төрлө саралар ойоштороп үткәрә. Балалар ҙур теләк менән түңәрәктәрҙә, ял һәм күңел асыу программаларында ҡатнаша.
Һәр иртә физик культура буйынса инструктор Евгений Калимйәнов етәкселегендә зарядка яһайҙар. Балаларҙың һаулығын шәфҡәт туташы Надежда Киленбаева тикшереп тора. Ашнаҡсылар иһә тәмле ризыҡтар бешереп, ял итеүселәрҙе һыйлай. Шуға ла «Старт»ҡа ҡабат-ҡабат ял итергә киләләр.

Виктория Ишмырҙина.
Мишкә районы.