Ярангөл сәскәгә күмелеп ултырһың тиһәң...

Ярангөл матур булып сәскә атһын өсөн уға 1 литр һыуға ике тамсы йод иҫәбенән ашланған һыу менән туҡландырып торорға кәрәк. Эретмәне гөлдөң төбөнә түгел, ә һауыттың ситенә һибергә. Юғиһә, гөлдөң тамыры яныуы бар.

Әгәр гөлдөң япраҡтары һарғая башлай икән, тимәк һыу етмәй. Әммә артыҡ күп ҡойорға ла ярамай - ярангөл япрағы һәм һабағы тиҙ серей. Ул асыҡ һауаны ярата - мотлаҡ тәҙрә төбөндә йәки балконда үҫтерергә кәрәк. Яҡтылыҡ етмәһә гөл япраҡтарын ҡоя башлай.