+30 °С
Болотло
Общие статьи
3 Июль 2023, 07:19
"Башҡорт аты" фестивалендә сит ил белгестәре ҡатнашасаҡ
Башҡортостан Башлығы Радий Хәбиров башҡорт тоҡомло атҡа арналған халыҡ-ара фестивалде үткәреүгә әҙерлек буйынса кәңәшмәлә белдереүенсә, быйыл сараға Рәсәй төбәктәренән һәм сит илдәрҙән йылҡысылыҡ ғалимдарының килеүе көтөлә.
"Башҡорт аты" фестивалендә сит ил белгестәре ҡатнашасаҡ
«Башҡорт аты» Баймаҡ районында 11 - 13 августа була. Унда Татарстандан, Тыванан, Чечня һәм Дағстандан, шулай уҡ Ҡаҙағстан, Төркиә, Әзербайжан, Берләшкән Ғәрәп Әмирлектәренән белгестәр киләсәк.
Кәңәшмәлә мәҙәни һәм спорт саралары программаһы ла тикшерелде. Командалар «Ылаҡ», «Тай-тулаҡ» кеүек уйын-ярышта көс һынаша, атта сабып барған килеш уҡ атыу оҫталығында ярыша.
Парадта 350 һыбайлы ҡатнашасаҡ. "Оҫталар ҡалаһы", милли аш-һыу, "Ҡымыҙфест" кеүек саралар ҙа әҙерләнә. Туристар килеүе күҙаллана.
– «Башҡорт аты» фестивале башҡорт тоҡомло атты үрсетеү йәһәтенән бик мөһим. Шулай уҡ ул бөтә республиканан халыҡ, күп ҡунаҡ ҡатнашҡан, мәҙәниәтте, йолаларҙы, кәсеп-һөнәрҙе күрһәтеү урыны ла булып тора, - тине республика Башлығы.
Фото: БР Башлығы сайтынан.
"Башҡорт аты" фестивалендә сит ил белгестәре ҡатнашасаҡ
