Күстәнәскә — сәк-сәк

Махсус хәрби операциянан ҡыҫҡа ваҡытлы ялға ҡайтҡан ауылдаш яугирҙарына ауыл уңғандары — Мәүлиә Нәжметдинова, Люция Сәлихова, Зилә Ғәлиханова, Нәфисә Ғәлиева, Рима Хажиәхмәтова, Аида Ахунова, Вәкилә Ғәлиәскәрова сәк-сәк бешереп биреп ебәрергә уйлаған.

Аш-һыуға оҫта апайҙар бар күңелдәрен һалып махсус хәрби операцияға юлланасаҡ ир-егеттәргә тәмле күстәнәс әҙерләне.

Милли ризығыбыҙ сәк-сәк яугирҙарыбыҙҙы сит ерҙәрҙә  шатландырһын, күңелдәренә өй йылыһын бүләк итһен ине.

 Афарин, апайҙар!

Гөлнара Солтанова.