Алдағы көндәрҙә республикала йылыта

Алдағы көндәрҙә Башҡортостанда йылы һауа торошо һаҡлана, тип хәбәр иттеләр «Башинформ»ға республика синоптиктары.

Бөгөн көндөҙ урыны менән ҡыҫҡа ваҡытлы ямғыр яуа. Ел төньяҡ-көнбайыштан, төньяҡтан талғын, урыны менән көсәйеүсән. Һауа температураһы көндөҙ +18, +23 градус.

8 июндә яуым-төшөмһөҙ, көндөҙ республиканың төньяғында ҡыҫҡа ваҡытлы ямғыр, йәшен фаразлана. Ел төньяҡтан, көнбайыштан талғын, көндөҙ төньяҡта көсәйеүсән. Һауа температураһы төндә +4, +9 градус, көндөҙ +20, +25.

9 июндә төндә урыны менән бер аҙ ямғыр яуыуы, көндөҙ яуым-төшөмһөҙ булыуы көтөлә. Ел көнбайыштан талғын, көндөҙ көсәйеүсән. Һауа температураһы төндә +5, +10 градус, көндөҙ +18, +23.

Автор:Галина Бахшиева