Рәхәтләнеп ял иттеләр

Халыҡ-ара балаларҙы яҡлау көнөндә Солтанай ауыл китапханасыһы Лилиә Сәмиғуллина малайҙар һәм ҡыҙҙар өсөн байрам ойошторҙо.

“Бала саҡ — ул беҙ!” тип аталған байрам программаһында кескәйҙәр ихластан хәрәкәтле уйындарҙа ҡатнашты,  сәйәхәткә юлланып,  йомаҡтар систе, әкиәт геройҙарын таныны.

Байрам балаларға яҡшы кәйеф бүләк итте. Ата-әсәләр уларға файҙалы йәйге ял теләне.