Һәр йортта тиерлек изге ҡомартҡылар һаҡлана

Боронғо күлдәктәрҙең береһенә яҡынса 150 йыл. Ул — Ҡарткиҫәккә Ҡариҙел районының Тайҡаш ауылынан килен булып төшкән 1911 йылғы Ҡәтифә Тажетдинованың әсәһе Мөғәллимә әбейҙең күлдәге. Уның жилеты ла бар икән. Был кейемдәр мәктәп музейында ҡәҙерләп һаҡлана.

Шулай уҡ 1924 йылда тыуған, инде мәрхүм Миңзада әбей Хәйруллинаның да бик үҙенсәлекле итеп тегелгән күлдәге тураһында һөйләп үтте Фәнирә Мәүли ҡыҙы. Фәйхүнә апай Ҡыямованың да Миңзада әбейҙән күреп теккән күлдәге күргәҙмәлә бар ине.  

• Халҡыбыҙҙың матур йолалары, ғөрөф-ғәҙәттәре бөгөн яңы һулыш ала, тергеҙелә. Милли кейемдәргә боронғо әйберҙәргә ҡыҙыҡһыныу арта. Был йәһәттән ҡарткиҫәктәр ҙә үҙ асылына тоғро. Ауылымдың һәр йортонда тиерлек изге ҡомартҡылар — милли кейемдәр, сигелгән, һуғылған әйберҙәр түрҙән урын алып ҡәҙерләп һаҡлана, — тип һөйләне Фәнирә Мәүли ҡыҙы.