Тенниссылар көс һынашты

Ҡыҙыу ярыштарҙа туғыҙ команда ҡатнашты. Ҡатнашыусылар бәйгелә көстәрен, еңеүгә ынтылыштарын күрһәтте. Көсөргәнешле бәйге һөҙөмтәһендә команда иҫәбендә 1-се урынды Иҫке Балтас 1-се урта мәктәбе командаһы яуланы. 2-се урынды Иҫке Балтастың 2-се мәктәбе алды. 3-сө урынға Уразай мәктәбе командаһы лайыҡ булды.

Шәхси беренселектә беренсе “ракетка”ла 1-се урынды — Айрат Садыҡов (Иҫке Балтас 1-се урта мәктәбе), 2-се урынды — Айрат Шакиров (Уразай урта мәктәбе), 3-сө урынды Ринат Әхмәтов (Штәнде урта мәктәбе) яуланы.

Икенсе “ракетка”ла беренселекте Эрик Исиметов (Иҫке Балтас 1-се мәктәбе), 2-се урынды — Валерий Гәрәйшин, 3-сө урынды Әлфәрит Ғафуров (Уразай мәктәбе) яуланы.

Өсөнсө “ракетка”ла 1-се урын  Оксана Ковалевала (Иҫке Балтас 2-се урта мәктәбе). Айгөл Солтанова (Иҫке Балтас 1-се урта мәктәбе) — 2-се, Эльвира Хажиева (Түбән Иванай урта мәктәбе) 3-се урынды алды.

Барлыҡ еңеүселәр һәм призерҙарға Почет грамоталары һәм иҫтәлекле бүләктәр тапшырылды.

Фирғәт Нәбиуллин.