Район гәзиттәренә — коллектив менән

Ришат Миңлемөхәмәт улы Лотфуллин етәкселегендәге әүҙем, тырыш коллектив башҡаларға матур өлгө күрһәтеп, 2023 йылдың беренсе  ярты йыллығына район гәзиттәренә яҙылып ҡуйҙы.

Почта аша алдырыуҙан тыш, матбуғат баҫмаларына  яҙылыуҙың альтернатив ысулы ла бар. Район үҙәге Асҡында йәшәгәндәр өсөн был бик отошло.

Асҡын ауыл Советы ауыл биләмәһе хеҙмәткәрҙәре бына бер нисә йыл инде альтернатив ысул менән файҙалана. Аҙнаһына бер  тапҡыр гәзиттәрҙе уңған, әүҙем техник хеҙмәткәр Фәйрүзә апай Мостафина редакциянан килеп алып, хеҙмәттәштәренә таратып бирә.

Бергә булдыҡ, бергә ҡалайыҡ!

Илһөйәр Махатова.