“Аҡбуҙат”та — Көҙ байрамы

Көҙҙө моңһоу мәл, тиһәләр ҙә, балалар был миҙгелде бик ярата. Тәрбиәселәр Флидә Нәфҡәт ҡыҙы Ғәлләмова менән Эльвира Ҡәҙим ҡыҙы Фазлетдинова өлкән төркөмдә балаларҙа хеҙмәт һөйөүсәнлек, үҙ-ара татыулыҡ, берҙәмлек, мәрхәмәтлек сифаттары тәрбиәләү маҡсатында ойошторған сара бик күңелле һәм фәһемле үтте. Байрамға ҡунаҡҡа күстәнәстәр менән Көҙһылыу килде. Тәрбиәләнеүселәр йырҙар йырланы, шиғырҙар һөйләне, күңелле уйындарҙа ҡатнашты. Байрам аҙағында Көҙһылыу уларҙы күстәнәстәр менән һыйланы.

Илһөйәр Махатова.

Флидә Ғәлләмова фотолары.