Хәрби комиссар Башҡортостандың өлөшләтә мобилизацияһының ҡасан тамамланасағын һөйләне

Башҡортостанда өлөшләтә мобилизация дауам итә, әммә илдә билдәләнгән дөйөм сроктан алдараҡ - 28 октябрҙә тамамлана. Ошо хаҡта «Бизнес ФМ Өфө» агентлығына интервьюла республиканың хәрби комиссары Михаил Блажевич хәбәр итте.

- Беҙҙә мобилизация дауам итә, барыһы ла планға ярашлы бара. Бөтә төбәктәрҙә лә ваҡыт билдәләнгән - кемдер иртәрәк, кемдер һуңыраҡ, һәм бер ниндәй ҙә өҙөклөккә нигеҙ юҡ. Билдәләнгән ваҡытта, 28 октябргә тиклем, дөйөм мобилизация тамамланыуға ҡарағанда бер аҙ алдараҡ тамамлаясаҡбыҙ, - тип белдерҙе Блажевич.

Уның әйтеүенсә, планды арттырып үтәү мөмкин түгел. Штаттары булған тәғәйен хәрби частар ойошторола, һәм был штатҡа ҡарағанда күберәк кеше ҡуйып булмай, барыһы ла һандарға ныҡ бәйләнгән. "Әгәр пландан артыҡ йыйһаҡ, был кешеләрҙе кейендерергә лә, ашатырға ла, эш хаҡын түләргә лә мөмкинселек булмаясаҡ, - тип билдәләне хәрби комиссар.

Республика Башлығының һәм хакимиәт башлыҡтарының яҡшы ойошторолған ярҙамы, барлыҡ структураларҙың үҙ-ара килешеп эш итеүе һөҙөмтәһендә киҫкен мәсьәләләр тиҙ хәл ителә, ялыуҙар һәм мөрәжәғәттәр кәмене.

- Эйе, нюанстар ҙа булды һәм системаны яйлап төҙөргә, шул иҫәптән норматив-хоҡуҡи базаға төҙәтмәләр индерергә һәм мобилизацияланғандарҙы өйҙәренә ҡайтарырға тура килде. Ләкин беҙ хәлде тигеҙләү һәм бындай хәлдәргә юл ҡуймау өсөн барыһын да эшләйбеҙ, - тип билдәләне хәрби комиссар.

Бер төркөм киң мәғлүмәт саралары илдә өлөшләтә мобилизацияның тамамланыуы хаҡында хәбәр итә, әммә Владимир Путиндың махсус указы әлегә планлаштырылмай, тип белдерҙе яңыраҡ президенттың матбуғат секретары Дмитрий Песков. Өлөшләтә мобилизациялау процесы йөкләмәне үтәгән төбәктәрҙә туҡтатылған.

https://www.bashinform.ru/news/social/2022-10-18/mobilizatsiya-v-respublike-zakonchitsya-ranshe-28-oktyabrya-voenkom-bashkirii-2994051?utm_source=yxnews&utm_medium=desktop