Егеттәребеҙ менән бәйләнеш улар аша буласаҡ

Бөгөн Башҡортостан Башлығы Радий Хәбиров хәрби хеҙмәткәрҙәр менән эш итеүсе советниктары менән таныштырам тигәйне. Социаль селтәрҙәр аша ул быны эшләне.

“Йәмәғәт башланғысында Башҡортостан Республикаһынан хәрби хеҙмәткәрҙәр менән эш итеү мәсьәләләре буйынса минең советниктарым:

Ҡазан. Йәнтүрин Замир Таһир улы, кесе сержант.

Һарытау. Гончаров Евгений Александрович, ефрейтор.

Пенза. Орда Юрий Алексеевич, рядовой.

Вольск. Сатаев Рафаэль Алик улы, рядовой.

Елань. Мусаҡалимов Артур Шархит улы, прапорщик.

Шулар аша беҙ мобилизацияланған егеттәребеҙ менән бәйләнеш тотабыҙ. Уларҙың бурысы - көнкүреш һәм башҡа мәсьәләләрҙе хәл итеүҙә ярҙам күрһәтеү, яугирҙәребеҙҙең яҡындары һәм минең менән аралашыу. Әгәр улар тыуһа, бөтә проблемаларҙы бергәләп хәл итербеҙ.

Советниктарым беҙҙең бөтә хәрби подразделениеларҙа егеттәрҙе үҙҙәре ойошторасаҡ.

Барыһына ла – уңыштар”, – тип яҙҙы ул.

Фото: "Бәйләнештә".