Благовещен иң алдынғы моноҡалалар рәтендә

2021 йыл йомғаҡтары буйынса республиканың Благовещен ҡалаһы Рәсәйҙә иң алдынғы моноҡалалар исемлегенә ингән.

Был хаҡта үҙенең ҡала халҡын ҡотлауында Башҡортостан Башлығы Радий Хәбиров белдерә.

Благовещен Башҡортостандың 5 уңышлы үҫеш биләмәләренең береһе булып тора. Был статусты ул 2019 йылда ала.

Эксперттар ҡалала эшҡыуарлыҡтың әүҙемләшеүен билдәләй. Һорау алыуҙар күрһәтеүенсә, халыҡ муниципалитет етәкселегәнә ышаныслы мөнәсәбәттә.

Ҙур еңеүгә бәйле Радий Хәбиров ҡала башлығы Олег Головановҡа һәм уның командаһына рәхмәт белдерҙе.