Кескәйҙәрҙе юл хәрәкәте хәүефһеҙлегенә өйрәтәйек!

Балалар травматизмын иҫкәртеү буйынса республика ресурс үҙәгенең планына ярашлы 25 марттан 10 апрелгә тиклем “Кескәйҙәрҙе юл хәрәкәте хәүефһеҙлегенә өйрәтәйек!” исеме аҫтында белем биреү ойошмалары педагогтары араһында республика педагогик оҫталыҡ конкурсы үтте.

 Был конкурста республиканың төрлө төбәктәренән 460 педагог ҡатнашты. Бәйге дәрес, кластан тыш сара, эшмәкәрлек проекты, агитбригада сценарийы, иртәлек  һәм асыҡ сара йүнәлештәре буйынса үткәрелде.

Ҡариҙел ауылының 4-се балалар баҡсаһы тәрбиәселәре Гөлфиә Нурлығаян ҡыҙы Әйүпова һәм Алһыу Фәрзәүи ҡыҙы Ғилуанова ойоштороу комитетына “иртәлек” йүнәлеше буйынса “Юл хәрәкәте ҡағиҙәләре хөрмәткә лайыҡ!” тип аталған конкурс эштәрен ебәрҙе. Һәм был номинация буйынса тәрбиәселәребеҙ 2-се  урын яуланы! Афарин, тибеҙ һәм уларға киләсәктә лә ижади проекттарын шулай уңышлы  тормошҡа ашырыуҙарын теләйбеҙ!

Гөлнара Солтанова.