Изге эшкә ҡушылдылар

Район хакимиәтенең финанс бүлеге коллективы   “Йөрәктән — йөрәккә” район мәрхәмәтлек акцияһында ҡатнашты. Ошо сара сиктәрендә йыйылған бүләктәр байрам алдынан сәләмәтлектәре буйынса мөмкинлектәре  сикле балаларға тапшырыласаҡ.

Эльвиза Ғәйзуллина етәкселегендәге коллектив тағы ла бер изге эшкә ҡушылды — “Донбасс балаларына — Яңы йыл бүләктәре” гуманитар ярҙам йыйыу буйынса ойошторолған акцияла ла ҡатнашты. Улар балаларға йылы ойоҡбаштар һәм тәмле Асҡын балын күстәнәскә әҙерләне.

Шулай уҡ был акцияға Асҡын 2-се балалар баҡсаһы хеҙмәткәрҙәре һәм тәрбиәләнеүселәре лә ҡушылды. Улар Донбасс балаларына бүләккә үҙ ҡулдары менән уйынсыҡтар, байрам открыткалары, тыныслыҡ һәм дуҫлыҡ илсеһе итеп Аҡбуҙатты ла эшләне.

Илһөйәр Махатова.